આંચકા અનુભવાયા: કેવડિયામાં ફરી ભૂકંપ, કેન્દ્ર બિંદુ નર્મદા ડેમથી 34 કિમી દૂર

સ્ટેચ્યુ ઓફ યુનિટી અને સરદાર સરોવર નર્મદા ડેમ પર શુક્રવારે 2.7 રિક્ટર સ્કેલનો ભૂકંપ અનુભવાયો હતો. ભૂકંપનું કેન્દ્રબિંદુ કેવડિયાથી માત્ર 34 કિમી દૂર નોંધાયું હતું, જ્યારે નર્મદા ડેમને કોઈ નુકસાન થયું ન હતું. કારણ કે નર્મદા ડેમને એટલો મજબૂત બનાવવામાં આવ્યો છે કે તે 6.5 રિક્ટર સ્કેલના ભૂકંપમાં પણ તૂટશે નહીં.

ઇન્સ્ટીટ્યુટ ઓફ સિસ્મોલોજિકલ રિસર્ચ, ગાંધીનગરના જણાવ્યા અનુસાર શુક્રવારે સવારે 12.58 કલાકે કેવડિયામાં 2.7 ની તીવ્રતાનો ભૂકંપ અનુભવાયો હતો, જ્યારે સ્ટેચ્યુ ઓફ યુનિટી અને સરદાર સરોવર નર્મદા ડેમ સુરક્ષિત છે. મળતી માહિતી મુજબ, એક મહિના પહેલા 8 જુલાઈએ સ્ટેચ્યુ ઓફ યુનિટી અને સરદાર સરોવર નર્મદા ડેમ પર 1.2 રિક્ટર સ્કેલનો ભૂકંપ અનુભવાયો હતો.