ગણેશોત્સવ: ઉધના-મડગાંવ વચ્ચે ગણપતિ સ્પેશિયલ ટ્રેન દોડશે

પશ્ચિમ રેલવેએ કોંકણ પ્રદેશ તરફ મુસાફરી કરતા મુસાફરોના વધારાના ધસારાને ધ્યાનમાં રાખીને તેમની સુવિધા માટે વધુ 4 ગણપતિ ઉત્સવ વિશેષ ટ્રેનો દોડાવવાનો નિર્ણય કર્યો છે. આ ફેરાઓ ગણપતિ ઉત્સવ 2021 દરમિયાન વિવિધ સ્થળો માટે પહેલેથી જ જાહેર કરાયેલા 38 ફેરા ઉપરાંત છે. પશ્ચિમ રેલવેના મુખ્ય જનસંપર્ક અધિકારી સુમિત ઠાકુરે માહિતી આપી હતી કે તહેવારોની સીઝનમાં વધારાનો ધસારો દૂર કરવા માટે પશ્ચિમ રેલવે સપ્ટેમ્બર મહિનામાં ગણપતિ સ્પેશિયલ ટ્રેનોની કુલ 42 ટ્રીપ ચલાવશે.

8 ટ્રેનો અગાઉ સૂચિત કરવામાં આવી હતી, જે વાયા વસઈ રોડ, મારગાઓ, સુરતકલ અને કુડાલ જેવા વિવિધ સ્થળો માટે દોડાવવામાં આવનાર છે. ટ્રેન નંબર 09195 ઉધના – મડગાંવ સ્પેશિયલ 9 સપ્ટેમ્બરે ઉધનાથી 15.25 કલાકે ઉપડશે અને 19.00 કલાકે વસઈ રોડ પહોંચશે. બીજા દિવસે તે સવારે 09.05 વાગ્યે મડગાંવ પહોંચશે.

ટ્રેન નંબર 09196 મડગાંવ – ઉધના સ્પેશિયલ ટ્રેન 10 સપ્ટેમ્બરે સવારે મારગાઓથી ઉપડશે અને બીજા દિવસે સવારે 05.00 વાગ્યે ઉધના પહોંચશે. ટ્રેન નંબર 09195 માટે બુકિંગ 31 ઓગસ્ટથી PRS કાઉન્ટર્સ અને IRCTC વેબસાઇટ પર શરૂ થશે.