ઘટના: અડાજણમાં મોબાઇલ શોપનું શટર તોડીને 1.50 લાખની ચોરી, કેસ નોંધાયો

અડાજણમાં અજાણ્યા ચોરોએ મોબાઈલ શોપનું શટર તોડી અંદરથી મોબાઈલ ફોન અને એસેસરીઝ સહિત રૂપિયા 1.50 હજારની કિંમતનો સામાન ચોરી લીધો હતો. આ અંગે પોલીસમાં ફરિયાદ નોંધાવવામાં આવી છે. મળતી માહિતી મુજબ, અડાજણ સ્થિત વાસુ રેસીડેન્સીમાં રહેતા મયુર જયંતીલાલ વર્મા, સમર્થ પાર્ક સોસાયટીમાં આવેલા શક્તિ ટાવરમાં એક સ્ટોપ મોબાઈલ શોપ ધરાવે છે.

ગત 31 ઓગસ્ટના રોજ રાત્રે અજાણ્યા ચોરોએ દુકાનનું શટર તોડી દુકાનમાં પ્રવેશ કર્યો હતો અને 1.20 લાખની કિંમતના 3 મોબાઈલ ફોન, 1 લાખ રૂપિયા, 49 હજાર 500 ની એસેસરીઝની ચોરી કરી ફરાર થઈ ગયા હતા. અડાજણ પોલીસે ચોરીની ફરિયાદ નોંધી વધુ તપાસ શરૂ કરી છે.