જાહેરનામું બહાર પાડ્યું: 11 સપ્ટેમ્બરે યુનિવર્સિટીમાં સિન્ડિકેટ સભ્યોની ચૂંટણી

વીર નર્મદ દક્ષિણ યુનિવર્સિટીમાં સિન્ડિકેટ સભ્યોની ચૂંટણી માટેની પ્રક્રિયા આગામી મહિનાથી શરૂ કરવામાં આવશે. આ માટે એક પરિપત્ર પણ બહાર પાડવામાં આવ્યો છે. માહિતી અનુસાર, ઉમેદવારોએ 3 સપ્ટેમ્બર સુધીમાં યુનિવર્સિટીમાં અરજી કરવાની રહેશે. યુનિવર્સિટીએ અગાઉ અરજી માટે 1 સપ્ટેમ્બરની તારીખ નક્કી કરી હતી, હવે તેને વધારીને 3 સપ્ટેમ્બર કરવામાં આવી છે. 3 જી સપ્ટેમ્બરે સાંજે 4 વાગ્યા સુધીમાં અરજીઓ કરવાની રહેશે.

યુનિવર્સિટી દ્વારા કહેવામાં આવ્યું છે કે અરજી કર્યા બાદ 4 તારીખે ફોર્મ તપાસવામાં આવશે. ઉમેદવારો 6 સપ્ટેમ્બર સુધી ફોર્મ પરત ખેંચી શકે છે. ઉમેદવારોનાં નામ 6 સપ્ટેમ્બરે જાહેર કરવામાં આવશે. 11 સપ્ટેમ્બરના રોજ બપોરે 12 થી 2 વાગ્યા સુધી મતદાન પ્રક્રિયા ચાલુ રહેશે. ચૂંટણીમાં મતદારોની ઉંમર 62 વર્ષથી વધુ ન હોવી જોઈએ.