બિહારમાં રેલ ટ્રેક ડૂબી ગયો: થલવાડા-હયાઘાટ વિભાગના પુલમાં પાણી ભરાઈ ગયું, ઉધના-જયનગર બદલાયેલા રૂટ પર ચાલશે

બિહારમાં, પૂર્વ મધ્ય રેલવે ઝોનના થલવાડા-હયાઘાટ રેલવે વિભાગ પરના પુલ પર પાણી ભરાવાને કારણે ટ્રેનોનો માર્ગ ડાયવર્ટ કરવામાં આવી રહ્યો છે. અહીંથી પસાર થતી લગભગ બે ડઝન ટ્રેનો બદલાયેલા રૂટ પર ચલાવવામાં આવી રહી છે. જેમાં પશ્ચિમ રેલવેની ઉધના-જયનગર એક્સપ્રેસનો સમાવેશ થાય છે.

આ ટ્રેન સમસ્તીપુર-મુઝફ્ફરપુર અને દરભંગા થઈને દોડશે. રેલવે અધિકારીઓએ જણાવ્યું કે ત્યાં પુરના કારણે રેલવે ટ્રેક પાણીથી ભરાઈ ગયો હતો. પુલ પરનું પાણી ભયના નિશાનથી ઉપર વહી રહ્યું છે. આ કારણોસર ટ્રેનોને ડાયવર્ઝન કરવાનો નિર્ણય લેવામાં આવ્યો છે.