બુલેટ ટ્રેન રૂટનું જિયોટેકનિકલ પરીક્ષણ: સુરતમાં બુલેટ ટ્રેન માટે એશિયાની સૌથી મોટી જીઓટેકનિકલ લેબ તૈયાર

NHSRCL એ બુલેટ ટ્રેન પ્રોજેક્ટ માટે સુરતમાં એશિયાની સૌથી મોટી જીઓટેકનિકલ લેબની સ્થાપના કરી છે. આ લેબ એલ એન્ડ ટી દ્વારા બનાવવામાં આવી છે. અહીં વાપી, વલસાડ, નવસારી, સુરત, વડોદરા, ભરૂચ અને અમદાવાદમાં ચાલતા બુલેટ ટ્રેન રૂટનું જીઓટેકનિકલ પરીક્ષણ કરવામાં આવી રહ્યું છે.

તેણે ઇજનેરો, ટેકનિશિયન અને કુશળ કામદારો સહિત લગભગ 900 લોકો (ક્ષેત્રમાં 500 અને પ્રયોગશાળાઓમાં 400) માટે રોજગારીનું સર્જન કર્યું છે. લેબ 20 જીઓ એન્જિનિયરો અને 188 લેબ ટેકનિશિયન દ્વારા દરરોજ 3500 પરીક્ષણો કરી શકે છે.

જમીનની લાક્ષણિકતાઓ જોવા માટે પ્લેટ લોડ ટેસ્ટ, પાઇલ લોડ ટેસ્ટ પણ લેબમાં કરવામાં આવે છે. સરદાર વલ્લભભાઈ નેશનલ ઈન્સ્ટીટ્યુટ ઓફ ટેકનોલોજી (SVNIT) સુરતના 35 વિદ્યાર્થીઓએ આમાં તાલીમ મેળવી હતી. આ લેબ અત્યાધુનિક સાધનોથી સજ્જ છે.