રેલ્વે મુસાફરોના કામના સમાચાર: ઓખા-રામેશ્વરમ અને તુતીકોરીન-ઓખા ટ્રેનોના બંધ હોલ્ટ ફરી શરૂ

આ હોલ્ટ્સ કોરોના રોગચાળા દરમિયાન રદ કરવામાં આવ્યા હતા.

પશ્ચિમ રેલવેએ ભાટિયા રેલવે સ્ટેશન પર ટ્રેન નંબર 16734/16733 ઓખા-રામેશ્વરમ-ઓખા એક્સપ્રેસ અને ટ્રેન નંબર 19565 ઓખા-દહેરાદૂન ઉત્તરાંચલ એક્સપ્રેસ અને ખંભાળિયા સ્ટેશન પર 19567 તુતીકોરીન-ઓખા વિવેક એક્સપ્રેસના હૉલ્ટને પુનઃસ્થાપિત કર્યા છે. આ હોલ્ટ્સ કોરોના રોગચાળા દરમિયાન રદ કરવામાં આવ્યા હતા. હાલમાં, આ હોલ્ટ્સ પ્રાયોગિક ધોરણે છ મહિના માટે પ્રદાન કરવામાં આવ્યા છે.

સવારે 9.00 કલાકે ભાટિયા સ્ટેશન પહોંચશે
રાજકોટ ડિવિઝનના સિનિયર ડીસીએમ અભિનવ જેફના જણાવ્યા અનુસાર, 16733 રામેશ્વરમ-ઓખા એક્સપ્રેસ 10 ઓક્ટોબરથી સવારે 9.00 વાગ્યે ભાટિયા સ્ટેશન આવશે અને સવારે 9.02 વાગ્યે ઉપડશે. 16734 ઓખા-રામેશ્વરમ એક્સપ્રેસ સવારે 9.35 વાગ્યે ભાટિયા સ્ટેશન આવશે અને 11 ઓક્ટોબરથી સવારે 9.37 વાગ્યે ઉપડશે.

19565 ઓખા-દેહરાદૂન ઉત્તરાંચલ એક્સપ્રેસ ભાટિયા સ્ટેશને 11.06 કલાકે આવશે અને 14 ઓક્ટોબરથી 11.08 કલાકે ઉપડશે. તેમજ ટ્રેન નંબર 19567 તુતીકોરીન – ઓખા વિવેક એક્સપ્રેસ ખંભાળિયા સ્ટેશને 1.19 કલાકે આવશે અને 12 ઓક્ટોબરથી 1.21 કલાકે ઉપડશે.