કાચો23 મિનિટ પહેલા
- લિંક કૉપિ કરો
આ બોટ પાકિસ્તાનથી ગુજરાતના દરિયાકાંઠે આવી હતી.
ભારતીય કોસ્ટ ગાર્ડને આજે સવારે એક મોટી સફળતા મળી જ્યારે સંયુક્ત ઓપરેશનના ભાગરૂપે આશરે 350 કરોડની કિંમતની હેરોઈન સાથે એક પાકિસ્તાની બોટ કચ્છ નજીકથી ઝડપાઈ હતી. પાકિસ્તાનથી આવેલી આ બોટ સાથે 6 લોકોની અટકાયત પણ કરવામાં આવી છે. આ ઓપરેશન ભારતીય કોસ્ટ ગાર્ડ અને એન્ટી ટેરરિઝમ સ્ક્વોડ દ્વારા સંયુક્ત રીતે હાથ ધરવામાં આવ્યું હતું. બોટને વધુ તપાસ માટે બંદર પર લાવવામાં આવી રહી છે.
ખરાબ હવામાન હોવા છતાં, ICG અને ATSએ મિશન પૂરું કર્યું.
ICG-ATS નું 6ઠ્ઠું ઓપરેશન
સૂત્રો પાસેથી પ્રાપ્ત માહિતી અનુસાર, ખરાબ હવામાન બાદ પણ ICGએ ATS સાથે મળીને આ મિશન પૂરું કર્યું હતું. આ બોટમાં ફિશિંગ ગિયર પણ ઘણું હતું. તેથી તે સ્પષ્ટ છે કે તેની આડમાં ડ્રગ્સની દાણચોરી કરવામાં આવી રહી હતી. વધુ માહિતી માટે એજન્સીએ તપાસ શરૂ કરી છે. છેલ્લા એક વર્ષમાં ICG દ્વારા ATS સાથે આ છઠ્ઠું ઓપરેશન છે. તે જ સમયે, એક મહિનાથી ઓછા સમયમાં આ બીજી ઘટના છે, જ્યારે ICGએ ડ્રગ્સના જથ્થા સાથે પાકિસ્તાની બોટને પકડી છે.
માછીમારીની આડમાં ડ્રગ્સની દાણચોરી થતી હતી.
દરિયાઈ માર્ગ પર ડ્રગ માફિયાઓની નજર
અત્યાર સુધી કાશ્મીર અને પંજાબની સરહદેથી ભારતમાં ડ્રગ્સની દાણચોરી થતી હતી. પરંતુ, આ બંને સરહદો પર કડક તકેદારીના કારણે ડ્રગ્સ માફિયાઓની નજર ગુજરાતની દરિયાઈ સરહદ પર છે. જેના કારણે છેલ્લા કેટલાક સમયથી ગુજરાતના દરિયાકાંઠેથી ડ્રગ્સનો મોટો જથ્થો જપ્ત કરવામાં આવ્યો છે.
જ્યારે મોટા પ્રમાણમાં ડ્રગ્સનો જથ્થો જપ્ત કરવામાં આવ્યો હતો
જુલાઈ 2017માં ગુજરાતના દરિયાકાંઠે વેપારી જહાજમાંથી 1500 કિલો હેરોઈન જપ્ત કરવામાં આવ્યું હતું.
ઓગસ્ટ 2018માં જામ સલાયાના 2 લોકો 5 કિલો હેરોઈન સાથે ઝડપાયા હતા. તપાસમાં ખુલાસો થયો કે 100 કિલો હેરોઈનની દાણચોરી પાકિસ્તાનથી ભારતમાં કરવામાં આવી હતી, બાદમાં તેને જપ્ત કરવામાં આવી હતી.
જાન્યુઆરી 2020 માં, માછીમારીની બોટમાંથી 5 પાકિસ્તાનીઓ પાસેથી 175 કરોડ રૂપિયાનું 35 કિલો હેરોઈન જપ્ત કરવામાં આવ્યું હતું.
એપ્રિલ 2021માં, 150 કરોડની કિંમતના 30 કિલો હેરોઈન સાથે 8 પાકિસ્તાનીઓની ધરપકડ કરવામાં આવી હતી.
,
